Qeveria sot miraton buxhetin për vitin 2022, 9% më i lartë se i këtij viti

10:36 | 29 Tetor 2021
A. B.

Qeveria e Kosovës sot pasdite do të mbajë mbledhje.

Këtë e ka bërë të ditur kryeministri i Kosovës, Albin Kurti në një konferencë për medie, shkruan arbresh.info

Kurti ka deklaruar se në këtë mbledhje do të miratohet buxheti për vitin 2022, i cili do të jetë 9% më i lartë se i vitit 2021.

“Sot kam pasur takim me ministrin Hekuran Murati dhe kemi diskutuar që ta bëjmë sot pasdite një mbledhje të Qeverisë që të aprovohet buxhetit për vitin e ardhshëm, por krahasuar me rishikimin e vitit aktual, mund të them se buxheti për vitin 2022 do të jetë 9 për qind më i lartë se viti aktual”, tha ai.

Kujtojmë se, buxheti i rishikuar për vitin 2021 ishte rreth 2.5 miliardë euro, ndërsa të hyrat 2 miliardë e 43 milionë euro. Ky njëherit ishte edhe buxheti më i madh që ka pasur Kosova deri më tani, përkundër problemeve gjatë këtyre dy viteve si pasojë e pandemisë Covid-19. /arbresh.info/

Lexo edhe:

Kurti: Buxheti për fermerët do të rritet me 11 milionë shtesë në vitin e ardhshëm

Shpërndaje në rrjete sociale

Lajmet më të lexuara

Të ngjashme

Foto lajm